21 кастрычніка ва ўстанове адукацыі была прадстаўлена літаратурна-музычная кампазіцыя “Ён з’явіўся на свет, каб стаць шаноўным у жыцці”, прысвечаная 100-годдзю з дня нараджэння таленавітага дзіцячага пісьменніка І.А.Муравейкі.
Падчас мерапрыемства гучалі пранікнёныя вершы ў выкананні вучняў 5-8 класаў, што былі адрасаваны сыну Любанскай зямлі; урыўкі з мастацкіх твораў самога паэта: “Тут людзі добрыя жывуць”, “Пра сябе”, “Настаўніца”, “Здарэнне”, “Акраец хлеба”, а таксама словы-ўспаміны С. Гаўрусёва, А. Вольскага, У. Паўлава “Сустрэчы, падараваныя лёсам” пра І.А.Муравейку.
Выступленне ўдзельнікаў літаратурнай гасцёўні суправаджалася фотаздымкамі з сямейнага альбома і песнямі на словы паэта.
Мерапрыемства прайшло ў сяброўскай атмасферы і зарадзіла дзяцей добрым настроем.
